Páginas del blog Ría de Ribadeo

sábado, 11 de noviembre de 2017

Continúa a chegada de aves invernantes







Pola mañá saín pola ría para ver como segue a invernada. Comecei facendo unha breve parada no porto deportivo, para ver si había algo interesante. A parte desta gaivota comendo nunha estrela de mar, e un lampareiro que observei no tesón, pouco máis interesante había por alí.




A seguinte parada foi no observatorio de Reme, onde quedara con Carlos Sanjurjo. Alí estaban, coma sempre, as dúas aguias pescadoras que teñen os pousadoiros daquela zona en propiedade, Panchita e Virgilia. Estas fotos son da primeira.




Desde alí fomos ó Muro de Lamas, onde había bastantes limícolas. Entre o que puidemos contar, 75 pirlos comúns, 10 biluricos comúns, 38 mazaricos reais e 32 mazaricos rabinegros. Tamén vimos, ainda que non os contamos, biluricos pativerdes e mazaricos chiadores. En canto ás anátidas, contamos un grupo de 137 patos asubiadores, 10 rabilongos e gran cantidade de lavancos. E presenciamos o lance de caza dun falcón peregrino, que acabou capturando no aire diante nosa a un desafortunado pilro, que levou a comerse a outra parte. A terceira aguia pescadora estaba tamén no pousadoiro do Tarrón.






A seguinte parada foi en Castropol, onde paramos a ver si había mergullóns de pescozo negro. Pero por moito que buscamos, non vimos ningún. Así que marchamos para Salías, onde había un grupo duns 30 cullereiros, 18 garzas reais e 33 garzotas. E na mesma enseada da Lieira, o máis destacable era un gran grupo de patos asubiadores, en torno ós 300. Tamén había 5 patos cullerete e 1 pato chupón.




Aquí vai a listaxe completa das especies observadas, cos números totais das que contamos:

Ánade silbón / Anas penelope / Asubiador - pato asubión (437)
Ánade friso / Anas strepera / Pato frisado (8)
Ánade real / Anas platyrhynchos / Lavanco
Ánade rabudo / Anas acuta / Pato rabilongo (10)
Pato cuchara / Anas clypeata / Pato cullerete (5)
Porrón / Aythya ferina / Pato chupón (1)
Cormorán / Phalacrocorax carbo / Corvo mariño
Garceta / Egretta garzetta / Garzota (33)
Garza real / Ardea cinerea / Garza real (18)
Espátula / Platalea leucorodia / Cullereiro (30)
Águila pescadora / Pandion haliaetus / Aguia pescadora (3)
Cernícalo / Falco tinnunculus / Lagarteiro (1)
Halcón Peregrino / Falco peregrinus / Falcón peregrino (1)
Ostrero / Haematopus ostralegus / Lampareiro (galego local) - gabita (1)
Correlimos común / Calidris alpina / Pilro común - pilro curlibico (75)
Zarapito trinador / Numenius phaeopus / Mazarico chiador
Zarapito real / Numenius arquata / Mazarico real (54)
Archibebe común / Tringa totanus / Bilurico patirrubio - bilurico común (10)
Archibebe claro / Tringa nebularia / Bilurico pativerde - bilurico claro
Andarríos chico / Actitis hypoleucos / Bilurico das rochas - bilurico bailón
Aguja colinegra / Limosa limosa / Mazarico rabinegro (32)
Gaviota reidora / Chroicocephalus ridibundus / Gaivota chorona
Gaviota sombría / Larus fuscus / Gaivota escura
Gaviota patiamarilla / Larus michahellis / Gaivota patiamarela
Gavión atlántico / Larus marinus / Gaivotón





E para rematar a entrada, fágoo coa foto deste paporrubio que volveu posarse na mesma silva que o fixera fai tres semanas e que publiquei aquí mesmo. Polo que parece, gústalle saír no blog...



Saúdos e ata a próxima.

Imaxes e texto baixo licenza Creative Commons
Enrique Sampedro Miranda

Blog Ría de Ribadeo: www.riaderibadeo.com